तोहरे खातिर अईली माई लेके अड़हुल फूल।
लैला तू पूजनिया आपन सेवा करा मोर कबूल।
फुलवा के डलियां से मलिया हरवा बनवले।
गुंथी गुंथी बेलिया से तोर असनिया सजवले।
देदा माई हमके आपन तू चरनिया के धुल ।
लै ला तू पुजनिया………………….।
सभकर बाडू जइसे वइसे हमरो हऊ महतारी ।
सुघर रूपवा तोहरो हरदम माई हम निहारी।
भइल होखें यदि हमसे माफ करा मोर भूलl
ले ला तु पुजनिया…………………..।
जगवा में हऊ काली सबसे तु ही शक्तिशाली।
दया के सागर ममता के मूरत माई खप्परवाली।
भगत भारती के दे दा ये माई किरपा बहुलl
ले ला तु पुजनिया आपन सेवा करा मोर कबूल।
– श्याम कुंवर भारती, बोकारो, झारखंड
