भोजपुरी छठ गीत – श्याम कुँवर भारती

उगते सुरुजदेव दुनिया भोर होई जाला |

दूर दुख होला सगरो शोर होई जाला |

जय हो सुरूज़ देव, जय हो सुरूज़ देव |

जगवा मे केहु नईखे साक्षात एको  देवता |

आ गईली छठ तोहके देई  हम नेवता |

उगेला त मन अब बिभोर होई जाला |

उगते सुरुजदेव दुनिया भोर होई जाला |

जय हो सुरूज़ देव जय हो सुरूज़ देव |

जिनगी मे बसल हमरो  घोर अन्हीअरवा |

उगा हो सुरुजदेव करा उजिअरवा |

तोहरे दया से दुख केवनों ओर होई जाला |

उगते सुरुजदेव दुनिया भोर होई जाला |

जय हो सुरूज़ देव जय हो सुरूज़ देव |

हम हई नादान भगवान तोहके मानिला |

देई  हम अरघ गुणगान तोहरो  करीला |

चरण पखारी सिर मोर होई जाला |

उगते सुरुजदेव दुनिया भोर होई जाला |

जय हो सुरूज़ देव जय हो सुरूज़ देव |

-श्याम कुँवर भारती (राजभर )

बोकारो, झारखंड, वाहत्सप्प्स -995550928