लोगवा गावेला आनंद बधईया ये रामा चइत मासे।
अयोध्या में जनमले राम रघुरइया ये रामा चइत मासे।
सुना महलवा में गुंजल किलकरीया बाजेला बजनवा ।
गोदिया भराइल कौशल्या मइया ये रामा चइत मासे।
अयोध्या में जनमले राम रघुरइया..।
शत्रुघ्न जनमले संग भरत भाई जनमले जगमग अंगनवा।
लक्ष्मण लिहले जनमवा उर्मिला मईया ये रामा चइत मासे।
अयोध्या में जनमले राम रघुरइया…।
दशरथ लुटावे अन्न धन सोनवा बाजेला बधइया घरे घरे ।
सजल सगरो दशरथ अंगनइया ये रामा चइत मासे ।
अयोध्या में जनमले राम रघुरइया…।
मगन भईली धरती मगन सगरो नगरिया औरी असमनवा।
राम होइहे सबकर सहइया ये रामा चइत मासे ।
अयोध्या में जनमले राम रघुरइया ये रामा चइत मासे ।
-श्याम कुंवर भारती (राजभर )बोकारो, झारखंड
